Xidmət Şərtləri

HOST PROVAYDERİN XİDMƏTLƏRİNDƏN İSTİFADƏ ŞƏRTLƏRİ

Qeyd

Bu müqavilə Fiziki və Hüquqi şəxslər tərəfindən www.azerdata.com internet saytı üzərindən sifariş edilən bütün məhsul və xidmətlərin istifadə şərtlərini və qaydalarını müəyyən edir.
İstifadəçi saytdan hər hansı məhsul və xidmət sifariş etməzdən əvvəl bu qaydaları diqqətlə və tam şəkildə oxumaq və başa düşmək öhdəliyinə malikdir. Müvafiq şərtlərin hər hansı birini qəbul etmirsinizsə, xahiş olunur sifariş prosesini ləğv edin və heç bir məhsul və ya xidmət sifariş etməyin.

Bu müqavilənin tərəfləri aşağıdakı kimi müəyyənləşdirilir:

• Bir tərəfdən, AzerData Administrasiyası, bundan sonra “İcraçı” kimi adlandırılacaqdır;

• Digər tərəfdən, İcraçının rəsmi saytında qeydiyyatdan keçərək və saytda göstərilən xidmətləri sifariş edərkən bu şərtləri qəbul etmiş fiziki şəxs və ya hüquqi şəxs, bundan sonra “Müştəri” kimi adlandırılacaqdır.

QAYDALAR

Müqavilənin Müddəti

Müştərinin İcraçının rəsmi veb saytında qeydiyyatdan keçməsi ilə bu müqavilə dərhal qüvvəyə minir və müddətsiz olaraq davam edir. Hər iki tərəfin razılığı və ya qanunvericiliyə uyğun əsaslar olduqda müqavilə dayandırıla bilər.

1. Xidmət Müqaviləsi

1.1. Müqavilənin Qəbulu və Əhatəsi
Qeydiyyatdan keçmiş müştəri İcraçının rəsmi veb saytında yerləşdirilmiş istifadə şərtləri və müqavilə maddələrini tam şəkildə oxumuş, başa düşmüş və qəbul etmiş sayılır. Bu müqavilə şərtləri İcraçının təqdim etdiyi aylıq, illik və ya digər müddətli bütün xidmətlərə (hostinq, domen, server və s.) şamil edilir. Müştərinin İcraçının saytına üzv olması həmin şərtləri qəbul etməsi kimi qiymətləndirilir.

1.2. İstifadəçi Məlumatlarının Verilməsi və Məsuliyyət
Sifariş təsdiqləndikdən sonra müştəriyə istifadəçi adı və şifrə kimi giriş məlumatları təqdim edilir. Gələcəkdə bütün bildiriş və məlumatlar müştərinin qeyd etdiyi rəsmi e-mail ünvanına göndəriləcəkdir. Bu ünvanın düzgün və etibarlı olması müştərinin məsuliyyətindədir. E-mail ünvanında yaranan səhvlərdən və ya çatışmazlıqlardan dolayı məlumatların vaxtında alınmaması və ya çatmaması halında İcraçı heç bir məsuliyyət daşımır.

1.3. Kampaniyalar və Təkliflər
İcraçı tərəfindən təqdim olunan xüsusi kampaniya və endirimlər kampaniya müddəti ərzində qüvvədədir və yalnız həmin müddət üçün tətbiq olunur. Kampaniyanın müddəti və şərtləri İcraçı tərəfindən müəyyən edilir və dəyişdirilə bilər.

1.4. Müştəri Məlumatlarının Dəqiqliyi
Müştəri təqdim etdiyi bütün şəxsi və əlaqə məlumatlarının doğru, tam və aktuallığını təmin etmək məsuliyyətini daşıyır. Yanlış və ya natamam məlumat təqdim edilməsi nəticəsində yaranan bütün problemlər və gecikmələr müştərinin üzərinə düşür.

2. Sahiblik Hüququ

2.1. Şifrə Bərpası və Təsdiq Prosesi
İstifadəçi tərəfindən şifrə unudulduqda, xidmət sahibi qeydiyyatda olan rəsmi e-mail ünvanına şifrə bərpası üçün müraciət edə bilər. Şifrə bərpası prosesi yalnız İcraçının rəsmi veb saytı üzərindən həyata keçirilir.

2.2. Şəxsiyyətin Təsdiqi
Məlumatların təhlükəsizliyinin təmin edilməsi məqsədilə, İcraçı müvafiq şəxsiyyət yoxlaması aparmaq hüququna malikdir. Bu məqsədlə, İcraçı müştəridən şəxsiyyət vəsiqəsinin və ya digər rəsmi şəxsiyyət təsdiq edən sənədin skan edilmiş nüsxəsini tələb edə bilər.

2.3. Məlumatların Uyğunluğu
Təqdim olunan şəxsiyyət sənədindəki məlumatlar istifadəçi panelində qeyd olunmuş məlumatlarla tam uyğun olmalıdır. Uyğunsuzluq hallarında, İcraçı müştərinin hesabını bloklamaq və ya digər uyğun təhlükəsizlik tədbirləri görmək hüququna malikdir.

3. Geri Ödəmə Şərtləri

3.1. Geri Ödəmə Haqqı
AzerData tərəfindən təqdim olunan xidmətlər (hostinq, reseller, VPS/VDS, dedicated server və ya domen qeydiyyatı) üzrə geri ödəmə yalnız aşağıdakı şərtlər daxilində həyata keçirilə bilər:

• Göstərilən xidmətin fəaliyyətində yaranmış problemin birbaşa səbəbi AzerData-nın texniki və ya inzibati məsuliyyəti daxilində olmalıdır.

• Müştəri bu problemi məhsulun alınma tarixindən etibarən 7 (yeddi) təqvim günü ərzində yazılı şəkildə (elektron poçt və ya rəsmi dəstək sistemi vasitəsilə) AzerData müştəri xidmətlərinə bildirməlidir.

• Təqdim edilən sübut və texniki yoxlamalar əsasında yaranmış problemin İcraçıdan qaynaqlandığı təsdiq olunduğu halda, ödənilmiş məbləğ tam şəkildə geri qaytarıla bilər.

3.2. Qismən və ya Tam Geri Ödəmə İstisnaları
Aşağıdakı hallarda geri ödəmə hüququ təmin olunmur:

• Xidmətin düzgün işləməməsi müştərinin tərəfindən edilən texniki müdaxilə, konfiqurasiya xətası və ya üçüncü tərəf tətbiqlərindən qaynaqlanarsa

• Müştərinin fərdi razılığı və ya səbəbsiz geri ödəmə tələbi əsasında

• Qanunsuz və ya xidmət şərtlərinə zidd istifadə halında xidmət dayandırılıbsa

• Domen qeydiyyatı və ya domen bərpası (bu xidmətlər qeyri-reversib xarakter daşıyır)

3.3. Balansa Əlavə Olunmuş Məbləğlər
Müştərinin şəxsi balansına əlavə olunmuş məbləğlər, habelə əvvəlcədən edilən ödənişlər yalnız AzerData daxilindəki xidmətlərin alınması üçün istifadə edilə bilər. Bu məbləğlərə nağd və ya bank vasitəsilə geri ödəmə tətbiq edilmir.

3.4. Qərarın Qüvvəyə Minməsi
Geri ödəmə barədə yekun qərar AzerData-nın texniki və inzibati qiymətləndirməsi əsasında qəbul edilir və bu qərar qəti və dəyişdirilməz hesab olunur. Müştəri bu şərtləri qəbul etməklə göstərilən xidmətlərdən istifadə etmiş sayılır.

4. Nüxsələmə ( Backup )

4.1. Yedəkləmə Xidmətinin Mahiyyəti
İcraçı, xidmətlər çərçivəsində müştərinin serverdə yerləşdirdiyi məlumatların təhlükəsizliyinin qorunmasını təmin etmək məqsədilə həftəlik avtomatik yedəkləmə (backup) prosesini həyata keçirir. Bu yedəkləmə daxili ehtiyat tədbiri kimi aparılır və yalnız texniki imkanlar çərçivəsində həyata keçirilir.

4.2. Bərpa Zəmanəti və Məsuliyyət
Həftəlik yedəkləmə xidməti təqdim olunsa da, məlumatların tam, dəqiq və istənilən zaman bərpasına dair hər hansı zəmanət verilmir. İcraçı, texniki nasazlıq, proqram təminatı səhvləri, kiberhücum, insan səhvi və ya digər səbəblər nəticəsində baş verə biləcək məlumat itkisinə görə hüquqi və ya maddi məsuliyyət daşımır.

4.3. Müştərinin Ehtiyat Nüsxə Öhdəliyi
Müştəri, məlumatlarının təhlükəsizliyini təmin etmək məqsədilə öz veb-saytına, fayllarına və məlumat bazasına dair mütəmadi olaraq ehtiyat nüsxələr çıxarmalı və bu nüsxələri etibarlı mühitdə müstəqil şəkildə saxlamalıdır. Yedəklərin yerli kompüterdə, bulud yaddaşında və ya başqa təminatlı platformalarda saxlanması tövsiyə olunur.

4.4. Fors-major Hallar və Risklərə Hazırlıq
Təbii fəlakətlər, texniki qəzalar, xarici hücumlar və digər nəzarətimizdən kənar hallar nəticəsində yedəklərə çıxışın mümkün olmaması halında, İcraçı fors-major hallar çərçivəsində məsuliyyətdən azaddır. Müştəri bu riskləri əvvəlcədən nəzərə almalı və məlumat itkisinin qarşısını almaq üçün alternativ tədbirlər görməlidir.

5. Məzmun

5.1. Ümumi Qanunvericiliyə Uyğunluq
İcraçının infrastrukturunda yerləşdirilən yazılı, səsli, vizual və digər növ məzmunlar Azərbaycan Respublikası qanunvericiliyinə, beynəlxalq hüquq normalarına və cəmiyyətin etik dəyərlərinə zidd olmamalıdır. Bu qaydalara zidd məzmunun yerləşdirilməsi halında yaranacaq bütün maddi və hüquqi məsuliyyətlər tam şəkildə müştərinin üzərinə düşür.
İcraçının təqdim etdiyi xidmətlər yalnız qanuni məqsədlərlə istifadə oluna bilər. Müştəri, bu xidmətlərdən istifadənin nəticələrinə görə İcraçını məsul tutmamaq öhdəliyini qəbul edir və İcraçının hüquqi toxunulmazlıq hüququnu tanıyır.

5.2. Qadağan Olunmuş Məzmunlar və Fəaliyyətlər
Müştəri aşağıdakı məzmunların və fəaliyyətlərin serverdə yerləşdirilməyəcəyini və ya icraçının xidmətləri vasitəsilə həyata keçirilməyəcəyini qəbul edir:

• Qanunlara və əxlaq normalarına zidd yazılı, vizual və ya digər formada materiallar

• Müəllif hüquqları ilə qorunan, lisenziyasız yayımlanan və ya pirat proqram təminatları

• Lisenziyasız film, musiqi, video və digər müəllif hüquqları ilə qorunan media faylları

• Ödənişsiz paylaşımına icazə verilməmiş məlumatlar və proqramlar

Yuxarıda qeyd olunan hallardan hər hansı biri baş verdikdə, İcraçı xəbərdarlıq etmədən xidmətin dayandırılması və müqavilənin birtərəfli ləğvi hüququna malikdir. Bütün məsuliyyət və hüquqi nəticələr yalnız müştəriyə aiddir.

5.3. İstənməyən Elektron Poçt (Spam) Fəaliyyəti
İcraçının təqdim etdiyi xidmətlərdən istifadə edərək kütləvi şəkildə istənməyən e-poçtlar (spam) göndərilməsi, spam proqramlarının quraşdırılması və ya yayılması qəti şəkildə qadağandır. Bu qaydanın pozulması xidmətlərin dərhal dayandırılması və hüquqi tədbirlərin görülməsi ilə nəticələnə bilər.

5.4. Resurslardan Səmərəli İstifadə
Müştəri təqdim olunmuş CPU, RAM, şəbəkə və digər resurslardan mütənasib və ədalətli şəkildə istifadə etməli, digər istifadəçilərin xidmət keyfiyyətinə mənfi təsir göstərməməlidir. Xidmətin stabil və balanslı işləməsini təmin etmək məqsədilə qeyri-normal və resursu istismar edən fəaliyyətlərə qarşı texniki və inzibati tədbirlər görülə bilər.

5.5. Hostinq Məkanından İcazəsiz Paylaşım və Yayımlar
İcraçının hostinq infrastrukturu, arxivləşdirmə, fayl paylaşımı (file sharing), torrent yayımı və oxşar məqsədlər üçün istifadə oluna bilməz. Müştəriyə lisenziyası olmayan hər hansı film, musiqi, proqram, video və digər məlumatların saxlanması və paylaşılması qəti şəkildə qadağandır. Belə fəaliyyətlər aşkar edildiyi halda, İcraçı xidmətləri dərhal dayandırmaq və müvafiq hüquqi instansiyalara məlumat vermək hüququnu özündə saxlayır.

6. Qadağan Olunan Məzmunlar və Fəaliyyətlər

İcraçının təqdim etdiyi hostinq, reseller, VPS/VDS, dedicated server və domen qeydiyyatı xidmətləri çərçivəsində aşağıda göstərilən məzmunların yerləşdirilməsi və ya bu fəaliyyətlərin həyata keçirilməsi qəti şəkildə qadağandır. Müvafiq hallarda xidmət xəbərdarlıq edilmədən dayandırıla bilər və müqavilə birtərəfli ləğv edilə bilər. İcraçı bu hallarda heç bir məsuliyyət daşımır, bütün hüquqi və maddi məsuliyyət müştərinin üzərinə düşür.

6.1. Qadağan Olunan Məzmun və Tətbiqlər (nümunələr üzrə, lakin bunlarla məhdudlaşmır):

• Pirat və ya lisenziyasız proqram təminatı (Warez, cracked software və s.)

• Müəllif hüquqları ilə qorunan materialların icazəsiz yayımı

• Image hosting scriptləri (Photobucket, TinyPic, ImgBB kimi sistemlərin klonları)

• Pornoqrafik, erotik, adult məzmunlar, video və şəkil paylaşımı

• Spam, mail bomber, kütləvi e-mail göndərmə skriptləri

• Fayl dump və ya mirror saytları (Rapidshare, Zippyshare tərzi)

• Audio/video streaming saytları (icazəsiz yayım, lisenziyasız media)

• Lotereya, qumar və bahis (gambling) saytları

• Hacking mövzulu saytlar, exploit arxivləri, penetration test tools və s.

• Fişinq (phishing) və zərərli proqram təminatının (malware, virus, botnet və s.) yayımı

• Ponzi və piramida sxemləri, maliyyə fırıldaqçılığına əsaslanan saytlar

• HYIP (High Yield Investment Program) saytları

• Stresser və booter (DDOS xidməti təqdim edən) saytları

• Telnet və SSH giriş scripləri, arxa qapı (backdoor) skriptləri

• İcazəsiz şəkildə şəxsi və ya hesab məlumatlarının paylaşılması

• Şəbəkə və port skanlaması məqsədli skriptlər və xidmətlər

• DDOS hücumlarının təşkili və ya dəstəklənməsi

• Virtual valyuta “mining” (kriptovalyuta çıxarma) məqsədli skriptlər və proqramlar

• Milli təhlükəsizliyə, dövlət qurumlarına və ya ictimai asayişə qarşı yönəlmiş çağırışlar və ya təbliğat

• İrqçi, dini nifrət doğuran, nifrət çıxışları və ya ekstremist məzmun

• Narkotik maddələrin reklamı və ya satışı ilə əlaqəli məzmunlar

• Fırıldaq, istifadəçi aldatma və ya sosial mühəndislik üsullarına əsaslanan fəaliyyətlər

6.2. Qanunvericiliklə Uyğunluq
Yuxarıda göstərilən məzmun və fəaliyyətlər Azərbaycan Respublikasının qanunvericiliyi, həmçinin beynəlxalq hüquqi normalar və rəqəmsal təhlükəsizlik standartlarına ziddir. Bu kimi halların aşkarlanması zamanı İcraçı, aidiyyəti dövlət orqanları ilə əməkdaşlıq etmək və müvafiq məlumatları təqdim etmək hüququnu özündə saxlayır.

6.3. Xidmətin Ləğv Edilməsi və Məsuliyyət
Sadalanan və ya oxşar fəaliyyətlər aşkarlandığı halda, İcraçı xidmətləri xəbərdarlıq etmədən dərhal dayandırmaq, müqaviləni ləğv etmək və müştəriyə ödənişsiz dəstək göstərməmək hüququna malikdir. Belə hallarda hər cür hüquqi və maddi məsuliyyət müştəriyə aiddir.

7. Elektron Poçt (Mail) Xidmətləri

7.1. Spam Göndərilməsi Qadağası
İcraçının təqdim etdiyi xidmətlərdən istifadə edərək istənməyən kütləvi e-poçt (spam) göndərilməsi qəti şəkildə qadağandır. Bu qaydanın pozulması halında müştərinin hesabı xəbərdarlıq edilmədən dərhal dayandırılacaq və xidmətlər müvəqqəti və ya daimi olaraq ləğv edilə bilər. Bu halda hər hansı məlumat itkisinə və ya xidmətin dayandırılmasına görə İcraçı məsuliyyət daşımır.

7.2. Gündəlik E-Poçt Limiti
Server resurslarının ədalətli istifadəsini təmin etmək məqsədilə hər bir müştəri üçün gündəlik e-poçt göndərmə limiti 1000 (min) ədəd ilə məhdudlaşdırılır. Bu limitə kütləvi poçt göndərişləri (bulk mail) və avtomatik sistem bildirişləri daxildir.

7.3. Şifrə Təhlükəsizliyi və Tələblər
Müştəri tərəfindən yaradılan e-poçt hesablarının şifrələri ən azı 8 simvoldan ibarət olmalı, şifrə tərkibində ən az bir böyük hərf, bir rəqəm və bir xüsusi simvol olmalıdır (məsələn: A1!x7zQe).
Zəif və sadə şifrələrdən istifadə nəticəsində üçüncü şəxslər tərəfindən e-poçt hesablarına icazəsiz giriş halları baş verə bilər. Belə hallarda doğan hər cür təhlükə və məlumat itkisinə görə bütün məsuliyyət müştərinin üzərinə düşür.

7.4. Təhlükəsizlik Tövsiyələri
Müştərilərə aşağıdakılar tövsiyə olunur:

• E-poçt hesablarında müntəzəm olaraq şifrə dəyişiklikləri aparmaq

• Spam göndəriş və ya icazəsiz giriş halında dərhal texniki dəstək komandası ilə əlaqə saxlamaq

• Şübhəli qoşmalar və ya keçidlər ehtiva edən e-poçtlara qarşı ehtiyatlı davranmaq

• SPF, DKIM və DMARC kimi DNS səviyyəli e-poçt autentifikasiya qeydlərini düzgün qurmaq

8. Domen Qeydiyyatı və İstifadə Qaydaları

İcraçı tərəfindən təqdim olunan domen qeydiyyatı xidmətləri Azərbaycan Respublikasının qüvvədə olan qanunvericiliyinə, ICANN qaydalarına və müvafiq milli və beynəlxalq domen inzibatçılarının tələblərinə uyğun şəkildə həyata keçirilir.

8.1. .AZ Domen Qaydaları

8.1.1. Ərizəçi Tələbləri
“.AZ” domen zonasında domen adlarının qeydiyyatı yalnız Azərbaycan Respublikasının vətəndaşlığına və ya ölkədə rəsmi qeydiyyata alınmış hüquqi şəxslərə aiddir. Fiziki şəxslər qeydiyyat üçün şəxsiyyət vəsiqəsi, hüquqi şəxslər isə vergi və ya VÖEN sənədi təqdim etməlidirlər.

8.1.2. Hesab və Əlaqə Məlumatları
Milli domen inzibatçısının sistemində hesab yalnız rəsmi və düzgün məlumatlarla açılır. AzerData.Com ilkin qeydiyyat zamanı istifadəçi adından müvəqqəti texniki əlaqə e-poçtu təyin edir. Müştərinin müraciəti əsasında bu e-poçt sonradan onun daimi istifadəsinə təhvil verilə bilər.

8.1.3. Qeydiyyat və Texniki Proseslər

• “.AZ” domenlərinə dair sifarişlər yalnız iş günləri və iş saatlarında (09:00–18:00) emal olunur.

• Şənbə, bazar və qeyri-iş günlərində verilən sifarişlər növbəti rəsmi iş günündə qeydiyyata göndərilir.

• Qeydiyyat prosesi adətən 1 (bir) iş günü ərzində tamamlanır.

• Domen nameserver-lərinin (NS) dəyişdirilməsi 1 saatdan 24 saata qədər vaxt tələb edə bilər.

8.1.4. Qanuni Öhdəliklər
“.AZ” domen zonasında qeydiyyatdan keçən bütün istifadəçilər domen adının ictimai əxlaqa, dövlətçiliyə və milli qanunlara zidd olmaması öhdəliyini qəbul edirlər. Əks halda İcraçı və ya milli domen inzibatçısı domeni xəbərdarlıq etmədən ləğv etmək hüququnu özündə saxlayır.

8.2. Beynəlxalq Domen Qaydaları

8.2.1. Əsas Texniki Tələblər

• Domen adları minimum 3 simvoldan ibarət olmalı və beynəlxalq formatlara uyğun seçilməlidir.

• Domen adında etikaya və ictimai qaydalara zidd ifadələr olmamalıdır.

• Domen qeydiyyatı zamanı daxil edilmiş e-mail ünvanına göndərilən təsdiq (verification) linkinə daxil olmaq məcburidir. Domen aktivləşdirilməsi bu təsdiqə əsaslanır.

8.2.2. Əlaqə Məlumatlarının Dəqiqliyi
Müştəri qeydiyyat zamanı təqdim etdiyi əlaqə məlumatlarının, xüsusilə e-mail ünvanının düzgünlüyünə görə tam məsuliyyət daşıyır.

• Beynəlxalq domenlərdə qeyd edilən e-mail ünvanlarının dəyişdirilməsi yalnız domenin qeydiyyat tarixindən minimum 60 gün sonra mümkündür.

• E-mail və digər istifadəçi məlumatlarının yanlış daxil edilməsi nəticəsində yaranan hüquqi və texniki problemlərə görə İcraçı məsuliyyət daşımır.

8.2.3. Nameserver Dəyişiklikləri
Beynəlxalq domen adlarında NS (nameserver) dəyişiklikləri adətən 1-24 saat ərzində qüvvəyə minir, lakin bəzi hallarda bu müddət sistem provayderindən asılı olaraq uzana bilər.

9. Ödəniş Qaydaları və Xidmətlərin Aktivləşdirilməsi

9.1. Ödənişin Qəbul Şərtləri
İcraçı tərəfindən təqdim olunan bütün xidmətlərin aktivləşdirilməsi yalnız öncədən ödənişin tam şəkildə həyata keçirilməsi ilə mümkündür. Ödənişlər yalnız AzerData.Com platformasında göstərilən rəsmi ödəniş kanalları vasitəsilə qəbul olunur.

9.2. Xidmətlərin Aktivləşmə Müddətləri
Aşağıdakı cədvəl üzrə xidmətlərin ödənişdən sonra aktivləşmə müddətləri müəyyən edilir:

• Beynəlxalq domenlər: Ödəniş təsdiqləndikdən dərhal sonra və ya ən gec 1-24 saat ərzində qeydiyyata alınır və aktiv edilir.

• Hostinq və Reseller paketləri: Ödənişin uğurla tamamlanmasından dərhal sonra avtomatik olaraq aktivləşdirilir.

• VPS/VDS serverləri: Seçilmiş texniki konfiqurasiyadan asılı olaraq maksimum 24 saat ərzində təhvil verilir.

• Dedicated serverlər: Konfiqurasiya və təchizat vəziyyətinə əsasən, 1–48 saat müddətində təqdim olunur.

9.3. Ödəniş Müddətinin Bitməsi və Xidmətin Dayandırılması

• Hostinq və Reseller xidmətləri: Müvafiq xidmətin ödəniş müddəti başa çatdıqda hesab avtomatik deaktiv olunur. Müştəriyə xidmətin bərpası üçün 7 (yeddi) təqvim günü müddət verilir. Bu müddət ərzində ödəniş edilmədikdə hesab və içindəki məlumatlar serverdən daimi olaraq silinir.
  Əgər müştəri xidmətdən istifadəni dayandırıb bu barədə rəsmi olaraq provayderə yazılı məlumat verməzsə, istifadə olunmuş dövr üzrə ödənişin sonradan tələb edilməsi hüququ İcraçının mülki hüququ olaraq qalır.

• VPS/VDS və Dedicated server xidmətləri: Ödəniş müddətinin bitməsi ilə server avtomatik olaraq deaktiv edilir. Serverin nə vaxt silinəcəyi və məlumatların nə qədər müddət saxlanılacağı İcraçının mülahizəsinə əsasən müəyyən edilir. Müştəri server xidmətinin vaxtını bitməmişdən öncə uzatmalı və ya gecikmə ehtimalı barədə öncədən yazılı şəkildə İcraçını məlumatlandırmalıdır.

9.4. Domenlərin Uzadılması və Bildiriş Sistemi

• Müştəriyə domen müddətinin başa çatmasına 30 (otuz) gün qalmış e-poçt vasitəsilə bildiriş göndərilir.

• Domen sahibinin domeni itirməməsi üçün ən az 7 gün qalmış müddət uzadılmalıdır.

• Gecikmə halında yaranacaq domen itkiləri və ya əlavə bərpa xərclərinə görə İcraçı məsuliyyət daşımır.

10. Əlavələr

10.1. Hesabın Dondurulması
Müştəri istədiyi zaman öz hesabını müvəqqəti olaraq dondurmaq hüququna malikdir. Hesab dondurulduğu müddətdə istifadə olunmamış xidmətlər üçün ödənişlər geri qaytarılmır.

10.2. Şərtlərin və Qiymətlərin Dəyişdirilməsi
İcraçı, öz mülahizəsinə əsasən, müqavilə şərtlərində və xidmət qiymətlərində əvvəlcədən xəbərdarlıq etmədən dəyişikliklər və əlavələr etmək hüququna malikdir. Bu dəyişikliklər qüvvəyə mindikdən sonra müştərinin xidmətlərdən istifadə davam etməsi həmin dəyişiklikləri qəbul etməsi kimi qiymətləndirilir.

Son Yenilənmə Tarixi: 23.06.2025